وزیراعلیٰ پنجاب مریم نواز شریف کی نیوزی لینڈ کی سابق وزیراعظم جاسنڈا آرڈرن کے ہمراہ کوپ 30 میں شرکت،پاکستانی پویلین کا افتتاح کیا
وزیراعلیٰ مریم نوازشریف نے پاکستانی پویلین کی افتتاح تقریب میں جاسنڈا آرڈرن کیساتھ پنجاب حکومت کے ماحولیاتی بہتری کیلئے اقدامات پر ڈاکومینٹری دیکھی
نیوزی لینڈ کی سابق وزیراعظم جاسنڈا آرڈرن نے پنجاب حکومت کے ماحول دوست اقدامات اور آلودگی کے خاتمے کیلئے کاوشوں کو سراہا
وزیراعلیٰ مریم نواز شریف سے جاسنڈا آرڈرن کی ملاقات، باہمی دلچسپی کے امور پر تبادلہ خیال، ماحولیاتی چیلنجز سے نمٹنے کی اپنی حکومت کی حکمت عملی پر نیوزی لینڈ کی سابق وزیراعظم کو آگاہ کیا
لاہور (نیوز ڈیسک)……وزیراعلیٰ پنجاب مریم نواز شریف نے نیوزی لینڈ کی سابق وزیراعظم جاسنڈا آرڈرن کے ہمراہ کوپ 30 کانفرنس کے موقع پر پاکستان پویلین کا افتتاح کیا۔ پنجاب حکومت کی جانب سے کاپ 30 کانفرس میں پاکستان پویلین قائم کیا گیا ہے۔ وزیراعلیٰ مریم نواز نے جاسنڈا آرڈرن کے ہمراہ فیتہ کاٹ کرپاکستان پویلین کا افتتاح کیا۔ جاسنڈا آرڈرن کو کاپ 30 کانفرس میں پسیفک ممالک کے لئے خصوصی نمائندہ مقرر کیا گیا ہے۔ جاسنڈا آرڈرن نے وزیراعلیٰ مریم نواز شریف کے ہمراہ پنجاب حکومت کے ماحولیاتی بہتری کے اقدامات پر ڈاکومینٹری بھی دیکھی۔ جاسنڈا آرڈرن نے پنجاب حکومت کے ماحول دوست اقدامات اور آلودگی کے خاتمے کے لئے کاوشوں کو سراہا۔ وزیراعلیٰ مریم نواز شریف سے نیوزی لینڈ کی سابق وزیراعظم جاسنڈا آرڈرن (Dame Jacinda Ardren) نے ملاقات کی اور باہمی دلچسپی کے امور پر تبادلہ خیال کیا۔ وزیراعلیٰ مریم نواز شریف نے ماحولیاتی چیلنج سے نمٹنے کے لیے حکومت پنجاب کی حکمت عملی سے نیوزی لینڈ کی سابق وزیراعظم کو آگاہ کیا۔ جاسنڈاآرڈرن نے وزیراعلیٰ مریم نواز شریف سے گفتگو کرتے ہوئے کہا کہ پنجاب میں مختصر وقت میں ماحولیاتی بہتری کے لیے جراتمندانہ اقدامات کیے گئے۔ وزیراعلیٰ مریم نواز شریف نے جاسنڈا آرڈرن کے بطور وزیر اعظم نیوزی لینڈ کے عوام کی خدمت کو خراج تحسین پیش کیا۔ پنجاب کی سینئر صوبائی وزیر مریم اورنگزیب، صوبائی وزراء رانا سکندرحیات اور ذیشان رفیق بھی وزیراعلیٰ کے ہمراہ تھے
