وزیراعلیٰ مریم نواز شریف سے وزیرآباد اور میانوالی کے ارکان اسمبلی اور ٹکٹ ہولڈرز کی ملاقات
عوامی مسائل، ضروریات اور ترقیاتی منصوبوں پر تفصیلی گفتگو، وزیرآباد اور میانوالی میں گرین بس پراجیکٹ کے آغاز پر اظہار تشکر
نجی املاک پر ناجائز قبضہ ختم کرانے کیلئے وزیراعلیٰ مریم نواز کے اقدام کو سراہا،کاروباری سرگرمیاں بڑھانے کیلئے ای بز پورٹل لانچ کرنے پر خراج تحسین
عوام کی خدمت ہی مسلم لیگ (ن) اور قائد محمد نواز شریف کا منشور ہے، روز اول سے ہی مخلوق خدا کی خدمت کا عزم کر رکھا ہے: مریم نواز شریف
پنجاب کے کسان کو مایوس نہیں کریں گے، ذمہ داریاں پوری طرح نبھائیں گے،مستقبل میں پنجاب کے عوام کیلئے بہت سے بڑے پراجیکٹس منتظر ہیں
صوبے بھر میں 15لاکھ افراد کو راشن کارڈ کے ذریعے تین ہزار روپے ماہانہ مل رہے ہیں، صوبے کے عوام کی جان و مال کی حفاظت ریاست کی ذمہ داری ہے
گرین بسیں دیہات تک پہنچ گئیں، میانوالی کے عوام وزیراعلیٰ مریم نواز شریف کے گن گاتے، شفافیت اور میرٹ پالیسی کے مداح ہیں: پارلیمنٹرینز
وزیراعلیٰ مریم نواز نے وزیرآباد سے گرین بس پراجیکٹ کا آغاز کرکے ثابت کیاکہ وہ وعدے نبھانا جانتی ہیں بے مثال ترقیاتی پراجیکٹس نے عوام کے دل جیتے ہیں
لاہور06 – نومبر:……وزیراعلیٰ پنجاب مریم نواز شریف سے وزیرآباد اور میانوالی کے ارکان اسمبلی اور ٹکٹ ہولڈرزنے ملاقات کی ہے۔ ملاقات میں عوامی مسائل، ضروریات اور ترقیاتی منصوبوں پر تفصیلی گفتگو کی گئی۔ اس موقع پر وزیراعلیٰ مریم نواز شریف کے خصوصی پراجیکٹس کو سراہا گیا۔ پارلیمنٹرینز نے وزیرآباد اور میانوالی میں گرین بس پراجیکٹ کے آغاز پر خصوصی طور شکریہ ادا کیا۔ وزیرآباد کے ارکان اسمبلی نے وزیراعلیٰ مریم نواز شریف کے ستھرا پنجاب پراجیکٹ کو سراہا۔ پارلیمنٹرینز نے صوبے بھر میں امن وامان کی صورتحال پر وزیراعلیٰ مریم نواز شریف کے ساتھ ہمقدم چلنے کا عہدبھی کیا۔ پارلیمنٹرینز نے صوبے میں کاروباری سرگرمیاں بڑھانے کے لئے ای بز پورٹل لانچ کرنے پر وزیراعلیٰ مریم نواز شریف کو خراج تحسین پیش کیا۔ارکان پارلیمنٹ نے نجی املاک پر ناجائز قبضے ختم کرانے کے لئے وزیراعلیٰ مریم نواز شریف کے تاریخی اقدام کو سراہا۔ وزیراعلیٰ مریم نواز شریف نے ارکان اسمبلی اور ٹکٹ ہولڈرز سے گفتگو کرتے ہوئے کہا کہ عوام کی خدمت ہی مسلم لیگ (ن) اور قائد محمد نواز شریف کا منشور ہے۔ کسان کارڈ، گھر کی دہلیز تک فری میڈیسن پراجیکٹ سمیت دیگر منصوبے ترقی اور خوشحالی کیلئے کاوشوں کا منہ بولتا ثبوت ہیں۔پنجاب میں پہلی مرتبہ 30لاکھ افراد کو 10ہزار روپے کا پے آرڈر گھر کی دہلیز پر پہنچایا گیا۔ صوبے بھر میں 15لاکھ افراد کو راشن کارڈ کے ذریعے تین ہزار روپے ماہانہ مل رہے ہیں۔ وزیراعلیٰ مریم نواز شریف نے کہا کہ صوبے کے عوام کی جان و مال کی حفاظت ریاست کی ذمہ داری ہے، انتشار پھیلانے کی اجازت ہرگز نہیں دیں گے۔ روز اول سے ہی مخلوق خدا کی خدمت کا عزم کر رکھا ہے۔وزیراعلیٰ مریم نواز شریف نے کہا کہ پنجاب کے کسان کو مایوس نہیں کریں گے، ذمہ داریاں پوری طرح نبھائیں گے۔مستقبل میں پنجاب کے عوام کے لئے بہت سے بڑے بڑے پراجیکٹس منتظر ہیں۔ پارلیمنٹرینز نے کہا کہ گرین بس دیہات تک پہنچ گئی ہے،میانوالی کے عوام وزیراعلیٰ مریم نواز شریف کے گن گاتے ہیں۔ وزیراعلیٰ مریم نواز شریف اعلان بعد میں کرتی ہیں منصوبے پر عمل درآمد پہلا کیا جاتا ہے۔عوام وزیراعلیٰ مریم نواز شریف کی شفافیت اور میرٹ پالیسی کے مداح ہیں۔ انہوں نے کہا کہ وزیراعلیٰ مریم نوازشریف کی بے لاگ قیادت نے صوبے کی تقدیر بدل دی ہے۔میانوالی سے گرین بس پراجیکٹ کا آغاز وزیراعلیٰ مریم نواز شریف کے مساوی ترقی کے ویژن کا عکاس ہے۔ پارلیمنٹرینز نے مزیدکہا کہ وزیراعلیٰ مریم نواز نے میانوالی کے بعد وزیرآباد سے گرین بس پراجیکٹ کا آغاز کرکے ثابت کیاکہ وہ وعدے نبھانا جانتی ہیں۔وزیراعلیٰ مریم نواز شریف کے بے مثال ترقیاتی پراجیکٹس نے عوام کے دل جیت لیے۔
