لاہور (نیوز ڈیسک)افغان سمیت کسی بھی غیر قانونی طور پر مقیم غیر ملکی کو پراپرٹی کرائے پر دینے والوں پر ایف آئی آر کا اندراج یقینی بنانے کا حکم
وزٹ ویزہ یا غیر قانونی طور پر پاکستان میں داخل ہوکر ملازمت کرنیوالے افغان سمیت غیر ملکیوں کیخلاف قانونی کاروائی کا فیصلہ
غیر قانونی طور پر مقیم غیر ملکیوں کے بارے میں فیلڈ سروے کرانے پر اتفاق،افغان باشندوں کی نشاندہی کیلئے مساجد میں اعلان کرانے کی ہدایت
پٹواری، نمبردار اور ایس ایچ او غیر ملکیوں کو دی گئی پراپرٹی کی رپورٹ کرنے کی ڈیوٹی تفویض، بے نامی اور مشکوک پراپرٹیز کے بارے میں رپورٹ طلب
غیر قانونی طور پر ملازمت کرنیوالے افغانوں کو بھی قانونی کاروائی کا سامنا کرنا ہوگا،کوئی بھی شخص افغان یا غیر ملکی کو پراپرٹی رینٹ پر دے گا تو بھرپور ایکشن ہوگا: اجلاس میں فیصلہ
پنجاب میں مقیم افغان باشندوں کا درست ڈیٹا پیش کرنے کی ہدایت، ذمہ داروں کو پکڑا جائے کوئی بے گناہ زد میں نہ آئے ، وزیراعلیٰ مریم نواز شریف
دیگر تفصیلات
خانیوال میں غیر قانونی طور پر مقیم افغان کو پراپرٹی رینٹ دینے پر 5 مقدمے درج، تمام اضلاع میں افغان شہریوں کیلئے 45 ہولڈنگ سینٹر قائم: بریفنگ
ہولڈنگ سینٹرمیں افغان شہریوں کوقیام وطعام اور طورخم بارڈر تک ٹرانسپورٹ کی سہولت، افغان باشندوں کی نشاندہی کیلئے چہرے سے شناخت کی ٹیکنالوجی کا استعمال کیا جائے گا
انتہا پسند جماعت کیلئے پرچار کرنیوالے سوشل میڈیا ایکٹویسٹ بھی قانون کی زد میں آگئے، پنجاب بھر میں مدارس کو ڈی سیل کرنا شروع کر دیا گیا ہے
وزیراعلیٰ مریم نواز کی زیرِ صدارت امن و امان پر مسلسل چھٹا اجلاس، ا فغان سمیت کسی بھی غیر ملکی کو گھر، دکان، فیکٹری، ہوٹل اور پٹرول پمپ وغیرہ کرائے پر دینے کی روزانہ رپورٹ طلب
لاہور 28 – اکتوبر:……وزیراعلیٰ پنجاب مریم نواز شریف نے افغان سمیت کسی بھی غیرقانونی طور پر مقیم غیر ملکی کو پراپرٹی کرائے پر دینے والوں پر ایف آئی آر کا اندراج یقینی بنانے کا حکم دے دیا ہے۔وزیراعلیٰ پنجاب مریم نواز شریف کی زیرِ صدارت امن و امان پر مسلسل چھٹا اجلاس منعقد ہوا۔ اجلاس میں ا فغان سمیت کسی بھی غیر ملکی کو گھر، دکان، فیکٹری، ہوٹل اورپٹرول پمپ وغیرہ کرائے پر دینے کی روزانہ رپورٹ طلب کی گئی ہے۔ غیر قانونی طور مقیم افغان باشندوں کی نشاندہی کے لئے مساجد میں اعلان کرانے کی ہدایت کی گئی ہے۔ اجلاس میں پٹواری، نمبردار اور ایس ایچ او کو غیر ملکیوں کو دی گئی پراپرٹی کی رپورٹ کرنے کی ڈیوٹی تفویض کی گئی۔ اس موقع پر تمام اضلاع میں غیر قانونی طور پر مقیم غیر ملکیوں کے بارے میں فیلڈ سروے کرانے پر اتفاق کیا گیا۔ اجلاس میں وزٹ ویزہ یا غیر قانونی طور پر پاکستان میں داخل ہوکر ملازمت کرنے والے افغان سمیت غیر ملکیوں کے خلاف قانونی کارروائی کافیصلہ کیا گیا ہے۔ پاکستان میں غیر قانونی طور پر ملازمت کرنے والے افغانوں کو بھی قانونی کارروائی کا سامنا کرنا ہوگا۔ اجلاس میں بے نامی اور مشکوک پراپرٹیز کے بارے میں بھی رپورٹ طلب کر لی گئی۔ اجلاس میں فیصلہ کیا گیا کہ کوئی بھی شخص کسی افغان یا غیر قانونی طور پر مقیم غیر ملکی کو پراپرٹی دے گا تواس کے خلاف بھرپور ایکشن ہوگا۔ بریفنگ میں بتایا گیا کہ خانیوال میں غیر قانونی طور پر مقیم افغان کو پراپرٹی رینٹ کے لئے دینے پر 5 مقدمے درج کیے گئے ہیں۔ صوبے بھر کے تمام اضلاع میں افغان شہریوں کے لئے 45 ہولڈنگ سنٹر قائم ہیں۔ غیر قانونی طور پر مقیم افغان شہریوں کوقیام وطعام اور طورخم بارڈر تک ٹرانسپورٹ دی جارہی ہے۔ افغان باشندوں کی نشاندہی کے لئے چہرے سے شناخت کی جدید ترین ٹیکنالوجی کا استعمال عمل میں لایا جارہا ہے۔ بریفنگ میں مزید بتایا کہ پنجاب بھر میں غیر قانونی اسلحہ کے خلاف مہم، عوام نے سی سی ڈی سے رابطے کر لیئے۔ انتہا پسند جماعت کے لئے پرچارکرنے والے سوشل میڈیا ایکٹویسٹ بھی قانون کی زد میں آگئے۔ ضروری کارروائی کے بعد پنجاب بھر میں مدارس کو ڈی سیل کرنا شروع کر دیا گیا ہے۔اجلاس میں پنجاب میں مقیم افغان باشندوں کا درست ڈیٹا پیش کرنے کی بھی ہدایت کی گئی ہے۔ وزیراعلیٰ مریم نواز شریف نے کہا کہ ذمہ داروں کو پکڑا جائے، کوئی بے گناہ زد میں نہ آئے
