پنجاب بھر میں لاؤڈ سپیکر کے استعمال پرہر قسم کی پابندی پنجاب میں فتنہ فساد پھیلانے والے خبردار—پنجاب کے لئے امن کا ڈیجیٹل حصار تیار پنجاب میں ہر قسم کی نفرت، شر اور اشتعال انگیزی کا مائیک ہمیشہ کیلئے بند،پنجاب میں کسی کاروبار،کسی جماعت یا کسی فرد واحد کو کسی کام کیلئے بھی لاؤڈ اسپیکر کے استعمال کی اجازت نہیں
لاہور (نیوز ڈیسک) لاؤڈ سپیکر ایکٹ کی خلاف ورزی اور غیر قانونی غیر ملکی باشندوں کی معاونت کرنے والے عناصر پنجاب حکومت کے سخت شکنجے میں پنجاب حکومت کا لاؤڈ سپیکر ایکٹ کی خلاف ورزی کرنیوالوں سے نمٹنے کیلئے سی سی ٹی وی کیمروں اور ایڈوانس ٹیکنالوجی کے استعمال کا بڑا فیصلہ پنجاب حکومت نے پھر سے واضح کر دیا کہ صوبے بھر میں جمعہ کے خطبے اور پانچ وقت کی اذان کیلئے لاؤڈ سپیکر پر کسی قسم کی پابندی نہیں حکومتِ پنجاب، آئمہ کرام کے احترام اور سہولت کیلئے عملی اقدامات کر رہی ہے،پنجاب حکومت کا صوبے بھر کی مساجد کی تزئین و آرائش و بحالی کا بڑا فیصلہ وزیراعلیٰ مریم نواز کی زیرِ صدارت امن و امان پر مسلسل ساتواں غیر معمولی اجلاس،امن و قانون کی نئی سمت طے غیر معمولی اجلاس میں امن و امان سے متعلق سخت اور فوری اقدامات کا فیصلہ، لاؤڈ اسپیکر ایکٹ کا سخت ترین نفاذ ہوگا:پنجاب حکومت کا فیصلہ پنجاب میں لاؤڈ اسپیکر ایکٹ کے نفاذ کو سی سی ٹی وی کیمروں اور ٹیکنالوجی سے مانیٹر کیا جائیگا،پنجاب میں لاؤڈ سپیکر سے نفرت یا اشتعال انگیزی پھیلانے والے اب قانون کے کٹہرے میں ہوں گے پنجاب میں 65 ہزار آئمہ کرام کے وظائف کیلئے صوبے بھر کی مساجد کی ڈیجیٹل میپنگ شروع،آئمہ کرام کے وظائف کا اندراج شفاف انداز میں مکمل کیا جائیگا پنجاب حکومت کا غیر قانونی طور پر مقیم غیر ملکیوں کی سہولت کاری یا معاونت پر کڑی سزا کا اعلان،سوشل میڈیا پر نفرت، جھوٹ اور اشتعال پھیلانے والوں کیخلاف پیکا ایکٹ کے تحت کارروائی ہوگی ڈیجیٹل پلیٹ فارمز پر نفرت انگیز مواد کی نگرانی کیلئے اسپیشل یونٹس فعال کر دئیے گئے،پنجاب امن کا گہوارہ ہے، اسے انتشار کا میدان نہیں بننے دیا جائیگا:حکومت پنجاب لاہور31 – اکتوبر:……پنجاب میں فتنہ فساد پھیلانے والے خبردارہوجائیں -پنجاب کے لئے امن کا ڈیجیٹل حصار تیارہوچکا ہے۔ پنجاب میں ہر قسم کی نفرت، شر اور اشتعال انگیزی کا مائیک ہمیشہ کے لئے بند ہوجائے گا۔پنجاب میں کسی کاروبار،کسی جماعت یا کسی فرد واحد کو کسی کام کے لئے بھی لاؤڈ اسپیکر کے استعمال کی اجازت نہیں ہے۔لاؤڈ سپیکر ایکٹ کی خلاف ورزی اور غیر قانونی غیر ملکی باشندوں کی معاونت کرنے والے عناصر پنجاب حکومت کے سخت شکنجے میں ہوں گے۔پنجاب حکومت نے لاؤڈ سپیکر ایکٹ کی خلاف ورزی کرنیوالوں سے نمٹنے کیلئے سی سی ٹی وی کیمروں اور ایڈوانس ٹیکنالوجی کے استعمال کا بڑا فیصلہ کیا ہے۔پنجاب حکومت نے پھر سے واضح کر دیا کہ صوبے بھر میں جمعہ کے خطبے اور پانچ وقت کی اذان کیلئے لاؤڈ سپیکر پر کسی قسم کی پابندی نہیں۔وزیراعلیٰ مریم نواز نے پنجاب بھر کے 65 ہزار سے زائد آئمہ کرام کے وظائف کیلئے جلد اقدامات مکمل کرنے کی ہدایت کی ہے۔حکومتِ پنجاب، آئمہ کرام کے احترام اور سہولت کے لیے عملی اقدامات کر رہی ہے۔پنجاب حکومت نے صوبے بھر کی مساجد کی تزئین و آرائش و بحالی کا بڑا فیصلہ کیا ہے۔پنجاب کی مساجد میں تمام مسنگ فسیلٹیز مہیا کی جاہیں گی۔پنجاب میں مساجدکے اطراف والے راستوں کو کلئیر کیا جائے،نکاسی کے نظام کو بہتر بنایا جائے گا۔وزیراعلیٰ مریم نواز کی زیرِ صدارت امن و امان پر مسلسل ساتواں غیر معمولی اجلاس منعقد ہوا،اجلاس میں امن و قانون کی نئی سمت طے کی گئی۔غیر معمولی اجلاس میں امن و امان سے متعلق سخت اور فوری اقدامات کا فیصلہ کیا گیا۔پنجاب حکومت نے فیصلہ کیا کہ لاؤڈ اسپیکر ایکٹ کا سخت ترین نفاذ ہوگا-پنجاب میں لاؤڈ اسپیکر ایکٹ کے نفاذ کو سی سی ٹی وی کیمروں اور ٹیکنالوجی سے مانیٹر کیا جائے گا۔پنجاب میں لاؤڈ سپیکر سے نفرت یا اشتعال انگیزی پھیلانے والے اب قانون کے کٹہرے میں ہوں گے۔سوائے فتنہ پرستوں اور انتہا پسند سوچ والے عناصر کے پنجاب میں کسی مذہبی جماعت پر کوئی پابندی نہیں۔پنجاب میں مذہبی جماعتیں ضابطہ اخلاق کے مطابق اپنی سرگرمیاں بلا روک ٹوک جاری رکھ سکتی ہیں۔مذہبی ہم آہنگی میں معاون جماعتوں کی پنجاب حکومت مکمل سرپرستی کرے گی۔پنجاب میں مذہب کا نام لے کر نفرت پھیلانے والوں کے لیے قانون کی رسی تنگ کر دی گئی۔پنجاب میں 65 ہزار آئمہ کرام کے وظائف کیلئے صوبے بھر کی مساجد کی ڈیجیٹل میپنگ شروع،آئمہ کرام کے وظائف کا اندراج شفاف انداز میں مکمل کیا جائے گا۔وزیراعلیٰ مریم نواز شریف نے غیر قانونی اسلحہ سرینڈر کرنے والے عوام کے جذبہ تعاون پر اظہارِ اطمینان کیا ہے۔پنجاب میں غیر قانونی اسلحہ رکھنے یا چھپانے والوں کے خلاف سخت کارروائی ہوگی۔پنجاب حکومت نے غیر قانونی طور پر مقیم غیر ملکیوں کی سہولت کاری یا معاونت پر کڑی سزا کا اعلان کیا ہے۔سوشل میڈیا پر نفرت، جھوٹ اور اشتعال پھیلانے والوں کے خلاف پیکا ایکٹ کے تحت کارروائی ہوگی۔ڈیجیٹل پلیٹ فارمز پر نفرت انگیز مواد کی نگرانی کے لیے اسپیشل یونٹس فعال کر دئیے گئے۔پنجاب امن کا گہوارہ ہے، اسے انتشار کا میدان نہیں بننے دیا جائے گا
