سالانہ تبلیغی اجتماع کے شرکاء کی سہولت کیلئے وزیراعلیٰ مریم نواز شریف کے خصوصی اقدامات
وزیراعلیٰ مریم نواز کے احکامات پر رائیونڈ کے روڈز پر پیچ ور ک برق رفتاری سے مکمل، رائیونڈ شہر اور گردو نواح کے روڈ جگمگانے لگے
5ارب68 کروڑ روپے کی لاگت سے رائیونڈ کی 70 کلومیٹر طویل سڑکوں کی تعمیر و مرمت اور بحالی کے 13پراجیکٹس کی تکمیل
شفاف ٹینڈرنگ کی بدولت 60 کروڑ روپے کی بچت، رائیونڈ میں سڑکوں کی تعمیر ومرمت سے تبلیغی اجتماع کے شرکاء کو آمدورفت میں آسانی
مانگا منڈی، لیک سٹی،صوئے آصل، جیا بگا، سندر، میاں جی عبدللہ روڈ،پاجیاں بائی پاس اور ریلوے روڈ کی سڑکوں کی تعمیر و مرمت اور بحالی مکمل
سندر رائیونڈ روڈ اجتماع چوک تک پیچ ورک،شولڈر ڈریسنگ اور لین مارکنگ مکمل، پاجیاں بائی پاس تا بچوکی پھاٹک، 11کلومیٹر طویل سڑک کا پیچ ورک مکمل
لاہور28 – اکتوبر ( نیوز ڈیسک)سالانہ تبلیغی اجتماع کے شرکاء کی سہولت کے لئے وزیراعلیٰ پنجاب مریم نواز شریف کے خصوصی اقدامات سے رائیونڈ اور تبلیغی مرکز کی تمام سڑکوں کی تعمیر ومرمت،بحالی اور پیچ ورک مکمل کر لیے گئے۔ لاہور ہائی وے ڈیژن نے وزیراعلیٰ مریم نواز شریف کے احکامات پر رائیونڈ کے روڈز پر پیچ ور ک برق رفتاری سے مکمل کر لیے ہیں۔ 5ارب68 کروڑ روپے کی لاگت سے رائیونڈ کی 70 کلومیٹر طویل سڑکوں کی تعمیر و مرمت اور بحالی کے 13پراجیکٹس کی تکمیل کا عمل مکمل کیا گیا ہے۔ شفاف ٹینڈرنگ کی بدولت 60 کروڑ روپے کی بچت بھی کی گئی۔ رائیونڈ کی4 اہم رابطہ سڑکوں کا پیچ ورک، تمام گڑھے پُراور روڈز کی سائیڈ یں بھی پختہ اور مرمت کی گئیں۔ سالانہ تبلیغی اجتماع سے قبل رائیونڈ شہر اور گردو نواح کے روڈ جگمگانے لگے۔ سندر رائیونڈ روڈ اجتماع چوک تک پیچ ورک،شولڈر ڈریسنگ اور لین مارکنگ مکمل کر لی گئی۔ میاں جی عبداللہ روڈ،سندر تامرکز 2 کلومیٹر اہم سڑک پر پیچ ورک مکمل کر لیا گیا۔ پاجیاں بائی پاس تا بچوکی پھاٹک، 11کلومیٹر طویل سڑک کا پیچ ورک اور شولڈر بنا دیئے گئے۔ تبلیغی اجتماع کے شرکا ء کی آسانی کے لئے سوا دو کلومیٹر ریلوے روڈ کی تعمیر و مرمت بھی مکمل کر لی گئی۔ وزیراعلیٰ مریم نواز شریف کی ہدایت پر رائیونڈ میں سڑکوں کی تعمیر ومرمت کے 13پراجیکٹ سے تبلیغی اجتماع کے شرکاء کو آمدورفت میں آسانی اور سہولت ہوگی۔ مانگا منڈی، لیک سٹی،صوئے آصل، جیا بگا، سندر، میاں جی عبدللہ روڈ،پاجیاں بائی پاس اور ریلوے روڈ کی سڑکوں کی تعمیر و مرمت اور بحالی مکمل کر لی گئی ہے
