بہاولپور(ڈسٹرکٹ رپورٹر) تحریک لبیک پاکستان بہاولپور ڈویژن کے ٹکٹ ہولڈرز نے تحریک لبیک سے لا تعلقی کا اعلان کر دیا۔یہ اعلان بہاولپور پریس کلب میں انہوں نے ایک پریس کانفرنس کے دوران کیا۔ان ٹکٹ ہولڈرز میں NA.171 اور PP 259 کے ٹکٹ ہولڈر اورسابق امیر پی پی260محمد نعیم،NA.162اور PP244 کے ٹکٹ ہولڈر اور صدر علما ونگ جنوبی پنجاب محمد اظہر، NA 161اور PP240 کے ٹکٹ ہولڈر محمد اختر وٹو،NA 172 اور PP 262 کے ٹکٹ ہولڈر رانا شاہد اکرم،NA 169 اور PP 225 کے محمد عمران سعیدی،NA 169 PP257 کے ٹکٹ ہولڈر اور نائب امیر پی پی 257 احمد محمود، NA 169 اور PP 257 کے ٹکٹ ہولڈر و امیر پی پی 257راشد رفیق، NA 172 اور PP 262 کے ٹکٹ ہولڈر محمد عباس،،NA 170 PP258 کےسابق امیر اور ایس ایم ٹیم ہیڈ ڈاکٹر حسن محمود چشتی،NA 174 اور PP 265 کے ضلعی ناظم صادق احمدناظم انتظامیہ بہاولنگر قاری عبدالطیف قادری اور ٹکٹ ہولڈر PP 252سید محبوب شاہ شامل تھے۔پریس کانفرنس کے دوران ٹکٹ ہولڈر NA 162قاری محمد اطہر نے اپنے تمام ساتھیوں کی طرف سے کالعدم تحریک لبیک پاکستان سے لاتعلقی کا اعلان کرتے ہوئے کہا کہ وہ تحریک لبیک سے علیحدگی کا اعلان اپنے ضمیر،ایمان اور پاکستان سے وفاداری کے باعث کر رہے ہیں اور ہم اپنے وطن پاکستان کی حفاظت اور مضبوطی کے لئے دل وہاں سے ہر قربانی دیں گے۔پاکستان اس وقت نازک دور سے گزر رہا ہے اور ہمارے ادارے ملکی بقا اور سلامتی کے لیے سر حدوں سمیت ہر محاذ پر نبرد آزما اور سرگرم عمل ہیں۔ہماری جری اور بہادر مسلح افواج نے معرکہ حق اور آپریشن بنیان المرصوص میں دشمن کو ناکوں چنے چبوائے۔اس شکست کی ہزیمت کو چھپانے کے لئے دشمن نے ملک میں خلفشار کو ہوا دینا شروع کر رکھا ہے اور ہماری بہادر افواج مشرقی اور مغربی سر حدوں پر خطرات سے نبرد آزما ہیں۔TLP کے احتجاج نے دشمن قوتوں کو تقویت پہنچائی جبکہ فتنہ الخوارج نے TLP سے وابستگی کا اظہار کیا اور اس کے خلاف آپریشن پر اس کی حمایت کی۔انہوں نے کہا کہ TLP نے نی پاک صلی اللہ علیہ وسلم کی حرمت کو سیاسی نعرے کے طور پر استعمال کیا ہم اس سے لاتعلقی کا اظہار کرتے ہوئے ملکی دفاع میں اپنی فوج او ریاست کے شانہ بشانہ کھڑے ہوں گے۔
