انفارمیشن ٹیکنالوجی، انجینئر نگ اور سائنسی علوم کے مواقع فراہم کرنااولین ترجیحات ہیں: مریم نواز شریف
نواز شریف میڈیکل سٹی میں میڈیکل سائنس ریسرچ پر خصوصی توجہ دی جائیگی، وزیراعلیٰ مریم نوازکا امن اور ترقی کیلئے سائنس کے عالمی دن/ہفتہ پر پیغام
لاہور ( نیوز ڈیسک) وزیراعلیٰ پنجاب مریم نوازشریف نے امن اور ترقی کیلئے سائنس کے عالمی دن/ہفتہ پراپنے پیغام میں کہا ہے کہ عوام کی خوشحالی امن وسکون اور پائیدار مستقبل کیلئے سائنس ہی راستہ بناتی ہے۔ یہ دن روزمرہ زندگی اورامن وسکون کیلئے سائنس کی اہمیت کا عوامی شعور بیدار کرنے کیلئے منایا جاتاہے۔ نوجوان نسل کو امن اور ترقی کیلئے سائنس میں پیش قدمی اور ریسرچ سے آگاہ رہنا ہوگا۔ حکومت پنجاب نوجوان نسل خاص طورپر طلبہ کوسائنسی ریسرچ سے استفادہ کرنے کی ترغیب پر عمل پیرا ہے۔ وزیراعلیٰ مریم نواز شریف نے کہا کہ انفارمیشن ٹیکنالوجی، انجینئر نگ اور سائنسی علوم کے مواقع فراہم کرنا اولین ترجیحات ہیں۔ نواز شریف آئی ٹی سٹی سائنس وٹیکنالوجی کی انقلاب آفریں نوید ہے۔ نواز شریف کینسر انسٹی ٹیوٹ اینڈ ریسرچ سینٹر اور مریم نواز آٹزم سکول اینڈ ریسرچ سینٹر میں سائنٹیفک ریسرچ کو فروغ ملے گا۔ نواز شریف میڈیکل سٹی میں میڈیکل سائنس ریسرچ پر خصوصی توجہ دی جائے گی۔وزیراعلیٰ مریم نواز شریف نے کہا کہ پنجاب میں پہلی مرتبہ سرکاری سکولوں میں منفرد سائنس اینڈ ٹیکنالوجی شو منعقد کیاگیا۔ امن، ترقی اورنوجوانوں میں سائنٹیفک اپروچ کے فروغ کیلئے جشن STEAMمیں طلبہ نے جدید ترین ماڈل پیش کیے۔ راجن پور کے ایک طالبعلم نے جشن STEAM میں وائی فائی سے 100 گنا تیز لائی فائی کاماڈل پیش کر کے حیران کیا۔ سائنس اور ٹیکنالوجی میں پیشرفت امن و سلامتی کی بحالی کیلئے ناگزیر ہے۔ ترقی اور ا من کا راز سائنس اور ٹیکنالوجی میں پنہاں ہے۔ وزیراعلیٰ مریم نواز شریف نے کہا کہ حکومت پنجاب تعلیم، صحت اور زراعت سمیت ہر شعبے کو جدید سائنسی خطوط اور ڈیجیٹل بنانے کی راہ پر گامز ن ہے۔ نوجوانوں کو دعوت دیتی ہو ں کہ ٹیکنالوجی اور سائنسی علوم میں اپنی بھرپور صلاحیتو ں کا مظا ہرہ کریں، حکومت بھرپور ساتھ دے گی۔ پنجاب آئی ٹی اور سلیکون کے انقلابی دور میں داخل ہورہاہے
