وزیراعلیٰ مریم نواز شریف سے امریکی قونصل جنرل سٹیٹسن سینڈرس کی ملاقات
امریکی سرمایہ کاروں کوپنجاب میں شاندار مواقع سے فائدہ اٹھانے کی دعوت، امریکی قونصل جنرل کا پرتپاک مہمان نواز ی پر اظہارتشکر
وزیراعلی مریم نواز شریف سے امریکہ کے نئے پولیٹیکل اینڈ اکنامک آفیسر کا تعارف کرایا گیا، پاکستان اور امریکہ کے تعلقات میں گرمجوشی کو سراہا
وزیراعظم محمد شہباز شریف کا حالیہ دورہ امریکہ باہمی تعلقات میں مزید استحکام کا باعث ہو گا،دونوں ممالک کے موجودہ تعلقات افق کی نئی بلندیوں کو چھو رہے ہیں: مریم نواز شریف
صوبے میں کلچرل ٹورازم کے فروغ کیلئے قدیمی ثقافتی ورثے کی بحالی اور بہتری کی جارہی ہے،پنجاب ثقافتی تنوع سے مالا مال سرزمین ہے
پنجاب عالمی سطح پر ٹورازم کے حب بننے کا بھرپور پوٹینشل رکھتا ہے، سرزمین پنجاب ہزارہا سال پرانی تہذیب اور مذہبی ثقافت کا علمبردار ہے
حکومت پنجاب کے وویمن ایمپاورمنٹ پراجیکٹ ثمر آور ہورہے ہیں، سرحد پار سے آنے والی سموگ کے اثرات کو کم ازکم سطح پر لانے کیلئے کوشاں ہے
وزیراعلیٰ پنجاب کا سرمایہ کاری اور تجارت کے فروغ کیلئے ای بزنس پراجیکٹ قابل تحسین ہے،پنجاب میں جس سپیڈ سے کام ہورہا ہے،اسے محسوس کیا جارہا ہے: امریکی قونصل جنرل
لاہور 29 – اکتوبر(نیوز ڈیسک)……وزیراعلیٰ پنجاب مریم نواز شریف سے امریکی قونصل جنرل سٹیٹسن سینڈرس نے ملاقات کی۔ امریکی قونصل جنرل نے وزیراعلیٰ مریم نواز شریف کا پرتپاک مہمان نواز ی پر شکریہ ادا کیا۔ وزیراعلیٰ مریم نواز شریف نے امریکی سرمایہ کاروں کوپنجاب میں شاندار مواقع سے فائدہ اٹھانے کی دعوت دی۔وزیراعلیٰ مریم نواز شریف سے امریکہ کے نئے پولیٹیکل اینڈ اکنامک آفیسر کا تعارف بھی کرایا گیا۔ وزیراعلیٰ مریم نواز شریف نے پاکستان اور امریکہ کے تعلقات میں گرمجوشی کو سراہا۔ وزیراعلیٰ مریم نواز شریف نے امریکی قونصل جنرل سٹیٹسن سینڈرس سے گفتگو کرتے ہوئے کہا کہ پاکستان اور امریکہ کے دو طرفہ تعلقات میں بہتری خوش آئند ہے۔وزیراعظم محمد شہباز شریف کا حالیہ دورہ امریکہ باہمی تعلقات میں مزید استحکام کا باعث ہو گا۔پاکستان اور امریکہ کے موجودہ تعلقات افق کی نئی بلندیوں کو چھو رہے ہیں۔ وزیراعلیٰ مریم نواز شریف نے کہا کہ پنجاب نے تاریخ کے بدترین سیلا ب کا سامنا پامردی سے کیا۔تاریخی ریسکیو اینڈ ریلیف آپریشن کے بعد بحالی کا کام شروع ہو چکا ہے۔ سیلاب متاثرین کے لئے حکومت پنجاب کے تاریخی پیکج کا کام شروع ہو چکا ہے۔وزیراعلیٰ مریم نواز شریف نے کہا کہ پنجاب میں کلچرل ٹورازم کے فروغ کے لئے قدیمی ثقافتی ورثے کی بحالی اور بہتری کی جارہی ہے۔پنجاب ثقافتی تنوع سے مالا مال سرزمین ہے۔پنجاب عالمی سطح پر ٹورازم کے حب بننے کا بھرپور پوٹینشل رکھتا ہے۔سرزمین پنجاب ہزارہا سال پرانی تہذیب اور مذہبی ثقافت کا علمبردار ہے۔حکومت پنجاب کے وویمن ایمپاورمنٹ پراجیکٹ ثمر آور ہورہے ہیں۔وزیراعلیٰ مریم نواز شریف نے کہا کہ لاہور سمیت دیگر شہروں میں بروقت اقدامات اور ماحول دوست پراجیکٹ کی وجہ سے ائیر کوالٹی انڈیکس میں بہتری آرہی ہے۔حکومت پنجاب سرحد پار سے آنے والی سموگ کے اثرات کو کم ازکم سطح پر لانے کے لئے کوشاں ہے۔امریکی قونصل جنرل سٹیٹسن سینڈرس نے کہا کہ وزیراعلیٰ پنجاب کا سرمایہ کاری اور تجارت کے فروغ کیلئے ای بزنس پراجیکٹ قابل تحسین ہے۔ای بزنس پراجیکٹ کی وجہ سے سرمایہ کاروں کیلئے آسانی پیدا ہورہی ہے۔پنجاب میں جس طرح اور جس سپیڈ سے کام ہورہا ہے،اسے
محسوس کیا جا رہا ہے
